Tuesday, October 4, 2011

నిలువుమా నిలువుమా నీలవేణి...!



నిలువుమా నిలువుమా నీలవేణి
నీ కనుల నీలినీడ నా మనసూ నిదురపోనీ
నిలువుమా నిలువుమా నీలవేణి

అడుగడున ఆడే లే నడుము సొంపులా
అడుగడున ఆడే లే నడుము సొంపులా
తడబడే అడుగుల నటనల మురిపింపుల
తడబడే అడుగుల నటనల మురిపింపుల
సడిసేయక ఊరించే...
సడిసేయక ఊరించే వయ్యారపు ఒంపుల
కడకన్నుల ఇంపుల గడసరి కవ్వింపులా
నడచిరా సడచిరా నాగవేణి
నీ కనుల నీలినీడ నా మనసూ నిదురపోనీ
నిలువుమా నిలువుమా నీలవేణి

అద్దములో నీ చెలువు తిలకింపకు ప్రేయసీ
అలిగేవు నీ సాటి చెలిగా తలబోసి
అలిగేవు నీ సాటి చెలిగా తలబోసి
నా ఊర్వశి రావే రావేయని పిలువునా
నా ఊర్వశి రావే రావేయని పిలువునా
ఆ సుందరి నెరనీకు నీగోటికి సమమౌనా
రాచెలీ నినుమదీ దాచుకోని
రాచెలీ నినుమదీ దాచుకోని
నీ కనుల నీలినీడ నా మనసూ నిదురపోనీ
నిలువుమా నిలువుమా నీలవేణి
చిత్రం : అమరశిల్పి జక్కన్న (1964)
రచన : సముద్రాల సీనియర్
సంగీతం : సాలూరి రాజేశ్వరరావు
గానం : ఘంటసాల, పి.సుశీల

Monday, October 3, 2011

తలచి తలచి చూస్తే తరలి దరికి వస్తా...!!



తలచి తలచి చూస్తే తరలి దరికి వస్తా
నీకై నేను బ్రతికి ఉంటిని ఓ...
నీలో నన్ను చూసుకొంటిని
తెరిచి చూసి చదువు వేళ
కాలి పోయే లేఖ రాశా
నీకై నేను బ్రతికి ఉంటిని ఓ...
నీలో నన్ను చూసుకొంటిని

కొలువు తీరు తరువుల నీడ
చెప్పుకొనును మన కథనిపుడు
రాలిపోయిన పూల గంధమా
రాక తెలుపు మువ్వల సడిని
తలచుకొనును దారులు ఎపుడు
పగిలిపోయిన గాజుల అందమా
అరచేత వేడిని రేపే చెలియ చేయి నీ చేత
ఒడిలొ వాలి కథలను చెప్ప రాసిపెట్టలేదు
తొలి స్వప్నం కానులే ప్రియతమా
కనులూ తెరువుమా

మధురమైన మాటలు ఎన్నో
కలసిపోవు నీ పలుకులలో
జగము కరుగు రూపే కరుగునా
చెరిగి పోని చూపులు అన్నీ
రేయి పగలు నిలుచును నీలో
నీదు చూపు నన్ను మరచునా
వెంట వచ్చు నీడ బింబం వచ్చి వచ్చి పోవు
కళ్ళ ముందు సాక్ష్యాలున్నా తిరిగి నేను వస్తా
ఒకసారి కాదురా ప్రియతమా ఎపుడూ పిలిచినా
తలచి తలచి చూస్తే తరలి దరికి వస్తా
నీకై నేను బ్రతికి ఉంటిని ఓ...
నీలో నన్ను చూసుకొంటిని

చిత్రం : 7/G బృందావన కాలని (2004)
రచన : ఎ.ఎమ్.రత్నం
సంగీతం : యువన్‌శంకర్‌రాజా
గానం : శ్రేయా ఘోషల్